Alcazaren gitudlo nga OIC collector sa Cebu Custom

CEBU, Philippines - Milingkod  na isip OIC District Collector  si Atty. Paul Alcazaren  sa Bureau of Customs (BOC) Port  of Cebu,  kagahapon  sa alas 3:00  sa hapon. Kini  subay  sa mando  nga  gikan  kang  BOC Commissioner  Rozzano “Ruffy” Biazon  nga  nadawat  kagahapon  lang  usab  sa  maong  oras.

Kagahapon  sayo  sa buntag  sa  wala  pa  moabot  ang  maong order,  bakante  ang  posisyon  sa dictrict  collector  sa Sugbo  isip  resulta  sa  gipatuman  nga  Customs Policy and Research Office (CPRO) alang  sa  tanang mga District ug Port Collectors   sa tibuok   nasud

Atol sa flag raising ceremony kagahapon sa buhatan sa BOC Port of Cebu napanid-an  sa  Banat News  walay mibarog o gitudlo nga District Collector sa Port of Cebu.

Bugtong si Gerardo “Gerry”  Macatangay ang Collector IV ug Port Operation Division Head sa BOC-Port of Cebu maoy taas nga opisyal nga mitambong sa maong flag ceremony. Base sa nasayran sa Banat News si Collector  Alcazaren maoy   labing  senior officer sa BOC-POC samtang   siya  maoy  kasamtangang  Sub-port Collector sa Sub-Port of Mactan.

Kahinumdoman nga 27 ka mga District ug SubPort Collectors nga anaa sa Collector V and VI   nga  posisyon   pulos  gipaubos karon sa floating status ug anaa sa CPRO nga maoy mga  sakop  nga   mosusi sa mga transaksiyon sa customs   sa tibuok nasud.( /WC) (BANAT NEWS)