Sakop sa CCPO-SWAT mireklamong gisukmag sa opisyal

CEBU, Philippines -  Usa ka polis nga miyembro sa Special Weapons and Tactics sa Cebu City Police Office ang mireklamo ug mipasangil batok sa usa ka opisyal kay giingong gisukmag siya niini sa sud sa ilang buhatan sa miaging gabii.

Si PO2 Cris Limotan, 34 , taga barangay Sirao, ning syudad sa Sugbo mipasangil nga samtang nagtan-aw sila og telebisyon uban sa ilang mga kauban miabot ang ilang opisyal (pangalan gipugngan una sa Banat News hangtud nga di mapasaka ang pormal nga kaso). Sumala pa nga giduol siya niini ug sa wala’y daghang pangutana gisukmag niini ang iyang liog ug milahos kini dayon pagsulod sa iyang opisina.

Ang biktima midangop sa Mabolo Police Station human makapailawom og medical examination tungod sa naangkong bun-og. (BANAT NEWS)