NSO andam nga morehistro sa hamtong

CEBU, Philippines - Kadtong  mga tawo  nga  wala   marehistro  sa ahensya  sa kagamhanan  nga  tig census, giawhag nga  moparehistro  na  aron mahimong  legal  ang  ilang  pagkatawo.

Si Felixberto Sato Jr. sa National Statistic Office (NSO) 7  nagkanayon  nga  nagkalainlaing  rason ngano  nga daghan  kaayong  mga  hamtong  nga  hangtud  karon  wala  mahilista  sa NSO.

Maoy hinungdan  nga  iyang  giawhag  ang  mga  hingtungdan  sa pagparehistro sa  NSO  alang  sa ilang  birth  certificate.

Dugang pa niya nga unang buhaton sa mga hingtungdan mao ang pagkuha sa baptismal certificate sa simbahan .

Kining baptismal   certificate   iluwat   sa  simbahan  diin  bunyagi  ang  bata  nga bag-ong  natawo.

Matud pa ni Sato nga kini  maoy  dad-on ngadto sa ilang   municipal registrar  sa lungsod   diin  matawo  ang  aplikante  aron  mahilista siya  nga  molupyo  sa maong  lugar.

Si Sato miingon nga sagad sa mga ginikanan nga mapakyas sa pagparehistro sa ilang anak human sa pagkahimugso mao ang paglikay sa bayranan niini.

Gitataw niya nga ang maong suliran masulbad  ra unta  kay  ang  buhatan sa social welfare   andam  man  nga  motabang   sa pagkuha og kamatuoran isip kabus nga molupyo   ang hingtungdang  ginikanan.

Sa nasayran nga mahimong suliran kun ang ginikanan mapakyas sa pagparehistro sa ilang kabataan sa higayon nga kini  moeskuyla  na o kaha  sa  pagkuha og VISA alang sa  trabaho sa gawas   sa nasud. (BANAT NEWS)