Radaza motudlo og tawo pagpatahum sa Lapulapu
CEBU, Philippines - Gidasig ni Mayor Paz Radaza ang mga dumuduong lokal ug langyaw sa pagbisita sa dakbayan sa Lapulapu pinaagi sa iyang pagtudlo unya og tawo nga maoy mopasiugda sa pagpatahom sa palibot sa dakbayan. Gitataw niya nga nanginahanglan karon ang dakbayan sa Lapulapu og dugang pa nga pamaagi alang sa pagdani sa mga langyaw nga kapitalista ug mga turista .
Nasayud siya nga kini kahatagan lamang og katumanan sa higayon nga mahingpit usab nga matagad ang pagpatahom pa sa dakbayan.
Si Mayor Radaza wala na hinuon mohatag pa og dugang pagpasabot sa giplano nga pagahimoon alang sa pagdani sa mga langyaw nga kapitalista ug mga turista nga mobisita sa dakbayan apan iyang gipadayag nga sa kasamtangan hinayhinay na nga naangkon sa mga Oponganon.
Si Radaza nga nagsilbi na sa iyang ikaduhang termino karong panahon isip mayor sa dakbayan mitug-an sa mga tigbalita kalabot sa aktibo niining pagsalmot sa bidding nga pagahimoon alang sa pag-host sa 2015 Asia Pacific Economic Corporation Summit.
“We must work on it now,†ni Radaza pa sa iyang pamahayag.â€We have to show them that Lapulapu City is ready for the world.†(BANAT NEWS)
- Latest