Ama-ama gipasanginlang miunay og lugos sa humabdos

CEBU, Philippines - Usa ka ama-ama gireklamo sa iyang humabdos  nga miunay  og  lugos kaniya, busa  iya  kining gikiha  niadtong  Huwebes  sa buhatan  sa kapolisan  sa lungsod  sa Consolacion.

Ang biktima   mao ang  usa  ka 17-anyos  nga  si Inday (di tinuod niyang  ngan) nagpuyo  sa maong  lugar.

Samtang  ang  gitumbok  nga suspek mao  ang  kapuyo  sa iyang  inahan  nga si Boy) di usab  tinuod  niining ngan), hingkod  nga taga barangay  Tihaong, sa mao  gihapong  lungsod.

Si PO3 Marjorie Paller sa Womens Desk sa Consolacion Police   Station  mibutyag  sa Banat News nga sumala  sa  biktima duha  ka higayon kining  gilugos  sa iyang ama-ama  ug ang katapusang pagpanglugos nahitabo niadtong tuig 2008 apan niini lang bag-o niya kini gitug-an sa iyang apohan.

Matud ni PO3 Paller  nga  kini  sa dihang kanunay nalang  kining   namatikdan  nga  maghinuktok  ang biktima sukad kini nibalhin og puyo sa ilang pinuy-anan.

Bisan ang mga classmate ug maestra sa biktima  nakamatikod nga kanunay nalang kining absent minded ug dili na makasalmot sa diskusyon sa klase.

Hinuon ang biktima gipaubos pa sa eksaminasyon sa Pink Room sa Vicente Sotto Memorial Medical Center (VSMMC) ug gipaabot nalang  sa kapolisan ang resulta niini aron isuporta sa pagpasaka og kaso batok sa suspek. WC (BANAT NEWS)