Gwen mibalik sa Kapitolyo aron iproklamar
CEBU, Philippines - Sukad nga siya giabog gikan sa Kapitolyo, mibalik kagahapon sa hapon si suspended governor Gwendolyn Garcia alang sa pormal nga pagproklamar sa iyang kadaugan batok ni Liberal Party bet Pinamungajan mayor Geraldine Yapha sa pagka-kongresista sa tersiro distrito.
Saktong alas kwatro dyes (4:10) sa hapon giproklamar ni Provincial Comelec Supervisor Atty. Eddie Aba sulod sa Social Hall sa Kapitolyo si Garcia kinsa giubanan sa iyahang anak nga si Atty. Cristina Garcia-Frasco ug binalayi nga si Mayor Duke Frasco sa lungsod sa Lilo-an.
Si Garcia midaog batok ni Yapha sa botos nga 105, 424 samtang si Yapha nakakuha lamang sa botos nga 103, 440.
Nahibaw-an nga adunay dakong labaw sa botos si Garcia sa lungsod sa Aloguinsan, Asturias, Barili ug Balamban samtang si Yapha naglawig usab sa Toledo, Tuburan ug Pinamungajan.
Mitambong usab atol sa proklamasyon ni Garcia ang iyahang mga kaalyado sa politika nga sila si Congressman Benhur Salimbangon sa 4th district, Board Member-elect Sun Shimura sa 4th District, Mayor-elect Alan Adlawan sa Asturias ug Mayor- Elect Glenn Baricuatro sa Pinamungahan.
Giproklamar usab ni Aba sila si Grecilda “Gigi†Sanchez (87, 536) ug Alex Binghay (106, 733) isip board members sa tersiro distrito; Arleigh Sitoy (980, 317), ug Thadeo Ouano (112, 754) sa sixth district ug si 6th District Congressman-elect Gabriel Luis Quisumbing (125, 815);
Ang bag-ong giproklamar nga mananaog sa tersiro distrito nga si Garcia dako kaayo og pasalamat sa mga tawong misalig kaniya taliwala sa mga pagsulay nga iyahang giatubang.
“I’ll just want to thank all of those who believe in me. All who voted for me. All that supported me in the 3rd district. This has been the most difficult political battle that I have to face. You know what I was up against but by the grace of God we prevail and above everyone else I thank the Lord God Almighty,†matud ni Garcia. (BANAT NEWS)
- Latest
