Covenant pabor ni Totol gipirmahan
CEBU, Philippines - Ang mga membro sa nagkalainlaing kapunongan sa mga mananagat sa dapit sa South Road Properties (SRP)mipirma og panaad sa miaging Biyernes, (Mayo 3) nga hiusahan nila pagpaluyo si manlalaban Aristotle B. Batuhan sa tinguha niini sa pagka-representante sa habagatang distrito sa dakbayan sa Sugbo ngadto sa Kongreso.
Si Batuhan kinsa mihatag og mga panginabuhi ngadto sa mga kabus nga molupyo, mga trabahante, mag-uuma ug mananagat pinaagi sa Bag-ong Sugbu Foundation sukad pa sa 1999 nagpasalamat sa hingtungdang mga pundok sa mga mananagat kinsa mideklarar sa ilang hugtanong panaghiusa pagpaluyo sa iyang kandidatora.
Dungan sa maong pagpirma sa mga mananagat sa usa ka covenant o panaad nga gipahigayon didto sa buhatan sa Cebu City Bantay Dagat Commission (CCBDC) gitukod usab nila ang usa ka federasyon nga gitawag nila nga Fisherfolk Federation of Cebu City, usa ka pundok sa kooperatiba nga kadangpan sa ilang mga pamilya sa panahon sa kalisdanan ug panginahanglan.
“Ang among panaghugpong isip usa ka united Federation molig-on sa among pagsuporta kang Sir Totol Batuhan,†matud pa ni CCBDC director Col. Ranulfo Sebusa. “Ang among pagpaluyo sa kandidatura ni Sir Totol para sa among kaayohan.â€
Matud pa sa maong mga mananagat nga si Batuhan angayan ug takus kaayo nilang paluyohan gumikan sa sinseridad ug kamatinud-anon niini ngadto sa mga kabus sukad sila maapektohi sa south reclamation project niadtong tuig 2000.
Si Romeo Trazona, kinsa maoy napili nga presidente sa bag-ong natukod nga Fisherfolk Federation nagkanayon nga ang katukoran sa kooperatiba di lamang gitumong aron labing mipalig-on sa ilang panaghiusa ug pagtinabangay kundi makatabang sa panginahanglan sa matag membro niini.
“Hinaut pang makab-ot namo ang kaayohan sa kinabuhi puhon pinaagi sa maong coop,†matud ni Trazona.
“Apan ang katumanan sa among mga gimithi naa ra gyud nakasandig kang Sir Totol. Busa amo gyud siyang paluyohan, kay ang iyang kadaugan ang magdala kanamo sa kalamboan.†(BANAT NEWS)
- Latest