2 ka puya gisalibay

CEBU, Philippines - Duha  ka fetus  ang  napalgan  sa managlahing  lugar  sa Metro  Cebu  kagahapon.

Usa  niini  naglutaw  sa sapa sa  dalan  Palma, barangay  San Roque, dakbayan  sa Sugbo  kagahapon  sa  alas 6:00  sa buntag, samtang   sa pagka-alas 8:00  sa maong  buntag  napalgan  usab  ang  usa  didto   sa daplin  sa karsada  sa barangay Agus, dakbayan  sa Lapu-lapu.

Ang nakakita  sa puya  nga  gisalibay  sa sapa  sa Palma  mao  si Jesus Tabao, 42,   nga  taga  San Roque  ug trabahante  sa pier, samtang  ang  nakakita sa  puya  didto  sa Agus  mao  ang  batang  babaye  nga 11-anyos.

Ang  puya  nga  nakit-an  sa sapa  sa Palma  gihatud  dayon  ngadto  sa  kapolisan  sa Waterfront Police Station  ug  karon gisusi  pa  kun  kinsay  responsabli sa paglabay  niini.

Mao  gihapon  ang  puya  nga  napalgan  didto  sa Agus   gipadangat  dayon  ngadto  sa kapolisan  sa  Lapulapu  City Police Station  ug  gisusi na  usab  kinsay tagtungod  niini.(Romeo T. Limpangog  ug Genevieve Dejito, CNU Intern/WC) (BANAT BALITA)