Nadisgrasya nasakpang may armas
CEBU, Philippines - Usa ka lalaking nadisgrasya nasikop sa mga polis tungod kay nasakpan kining nagdala og armas niadtong Huwebes sa hapon diha sa sitio Kalmar, barangay Lawaan II, dakbayan sa Talisay.
Ang suspetsado mao si Loreto Abanto, hingkod ang panuigon, taga barangay Lawaan I, dakbayan sa Talisay nakaangkon og mga bun-og sa lawas human kini nalamba sa karsada dihang ang motorsiklong iyang gimaneho nabag-iran og laing sakyanan.
Si Abanto daling gidala ngadto sa Talisay City District Hospital ug nasakpan kining dunay dalang kalibre .357 revolver nga dunay unom ka buhing mga bala.
Ang kapolisan sa Talisay City Police Station daling miresponde sa maong hitabo ug gisikop si Abanto.
Si Abanto gibalhin ngadto sa Vicente Sotto Memorial Medical Center uban sa duha ka mga polis nga mi-escort kaniya. Si Abanto ang gikatakdang pasakaan og tukmang kaso diha sa piskaliya sa siyudad kabahin sa nahimo niyang kalapasan.
Ang kapolisan nagpakisusi pa kini sa background sa suspetsado. (BANAT BALITA)
- Latest
