Daghang absent sa regular sesyon sa hunta
CEBU, Philippines - Human sa duha ka semana sa pagpangampanya sa mga lokal nga mga kandidato, ang Provincial Board (PB) o Hunta Probinsiyal pakyas sa pagtigum kagahapon alang sa ilang regular nga sesyon.
Si Bokal Caesar Ian Geronimo Zambo ang nangulo sa sesyon dihang nasuta nga ang nanambong mao lang sila si Bokal Thadeo Ouano, Arleigh Jay Sitoy ug Carmen Remedios Meca.
Nunot sa kakuwang sa nanambong, gisugyot ni Sitoy nga dili ipadayon ang pagtuki sa mga hisgutanan hinungdan nga daling gibuhian ni Zambo ang sesyon.
Gipakita ni Provincial Secretary Aniceta Pasaylo ang suwat sa mga wala nanambong kinsa adunay tagsatagsa ka rason. Si Acting Bise-Gob. Julian “Teban†Daan “on leave†apan nitunga siya sa iyang buhatan kagahapon sa buntag sanglit duna siyay gikuha.
Sa tanang sakop sa PB, sila lang si Bokal Jose Ribomapil Holganza ug Aladdin Wilyamie Caminero ang dili mopapili sa umaabot eleksiyon. (BANAT NEWS)
- Latest
