Mas moinit pa og maayo sa bulan sa Abril-PAGASA
CEBU, Philippines - Molungtad pa sa tibuok bulan sa Abril niining tuiga ang kainit nga masinati dinhi sa Sugbo sumala pa sa weather bureau sa nasud.
Daan nang mipasidaan ang mga tinugyanan sa panglawas sa pag-inom og daghang tubig ug pagdala og payong kun molakaw sa dalan aron makalikay sa naglagiting nga kainit sa adlaw nga mo-resulta sa heat stroke ug skin cancer.
Ang Philippine Atmospheric, Geophysical and Astronomical Services Administration (Pagasa) mipahimangno nga naghinobra karon ang kainit sa adlaw ilabi na sa bulan sa Abril.
Matud pa nga ang sobrang kainit moresulta usab sa pag-atake sa “high blood†nga kun magrabehan moresulta gyod sa pagkaparalisar sa tibuok kalawasan o kamatayon.
“One should drink cold water in particular to avoid stroke,†nagkanayon si Pagasa Mactan weather observer, Alex Padin sa iyang pamahayag.
“There are those people who suddenly die even if they don’t have any illness,†pasabot pa niya.
Dugang pa niya nga sa alas-2 ang takna sa hapon niadtong miaging adlaw nasinati ang labing grabeng kainit sa panahon nga mitala og 32.4 degree Celsius.
Hinuon si Padin mipasabot nga ilang gibanabana nga ang southwest monsoon o hanging habagat magdala sa kusog nga huros sa hangin nga makatabang pagpabugnaw sa panahon hangtud nga moabot ang panahon sa ting-ulan. (BANAT NEWS)
- Latest
