15-anyos nag-drive tipi sa trak

CEBU, Philippines - Patay ang 15- anyos nga tinun-an sa 2nd year high school human madasmagi og trak de karga ang gimaneho niining gisakyan nga nakaangol usab sa angkas niyang ig-agaw diha sa Sityo Panukdokan barangay Kawayan sa lungsod sa Dalaguete niadtong Miyerkules sa alas 9:00 sa buntag. Ang biktima nga patay mao si Stephine Glariana Dicdican,15, taga barangay Lanao, Dalaguete ug angol ang angkas niini nga si Marvin Dicdican,18.

Samtang ang drayber sa Isuzu cargo truck nga si Rogelio Pimentel, 49, mitahan sa kapolisan human sa hitabo.

Matud ni PO2 Godofedo Glepa sa Dalaguete Police Station dihang nahinabi sa Banat News misuway og overtake sa gisundan nga sakyanan ang mga biktima apan mao say pagbutho sa maong trak hinungdan sa pagkadinasmagay.  (BANAT NEWS)