Kapolisan sa Lapulapu mipakita sa ilang kahanas

CEBU, Philippines - Gipakita sa mga sakop sa kapolisan sa dakbayan  sa Lapulapu  ang ilang kahanas sa pagtubag sa mga alarma atol sa gipahigayong  Annual General Inspection (AGI) nga gipatuman sa ulohan nilang buhatan sa Camp Crame sa miaging  adlaw.

Si Police Superintendent Nino David Rabaya nga maoy directorate  for Police Community Relation sa Camp Crame maoy nangulo sa mga sakop sa inspecting team.

Gisaksihan usab ang maong kalihokan sa mga opisyal sa dakbayan nga gipangulohan ni Mayor Paz Radaza ug sa mga molupyo nga nagpaantaw lamang sa maong lugar atol sa gipahigayon nga pagbansay-bansay.

Naglakip sa mga alarma nga gitubag sa kapolisan  atol  sa maong  pagbansay  mao ang fire drill, earthquake drill, pagbungkag sa  ilang mga armas ug ang pagbalik niini,  ang pagpahigayon og checkpoint sa kadalanan, pagtubag sa pang-hostage, pagtubag  sa  alarma sa tulis sa bangko, pagdakop sa suspetsadong criminal, bomb detonation ug crowd dispersal control ug uban pa.

Ang mga sakop sa inspecting team sa kapolisan sa maong dakbayan mipadayagsa ilangkatagbaw sa gipakitang lihok sa kapolisan  sa maong  higayon.

Si Rabaya miingon nga ilang ipagawas sa sunod nga mga adlaw ang resulta sa AGI nga ilang gipahigayon sa kapolisansa Lapulapu  ug mahibaw-an kun si kinsa ang paga-ilhon nga labing maayong kuwerpo sa kapolisan dinhi saSugbo.

Si Senior Superintendent Rey Lyndon Lawas nga maoy direktor sa kapolisan sa Lapulapu  miingon nga sa gipahigayon nga inspection sa kapolisan sa Camp Crame ilang nakita ang mga kakulian nga ilang hatagan og pagtagad sa pagahimoon nilang mga pagbansaybansay  sa ilang  kaugalingon.

“For now we will make it one of our focus on mastering our duties in order to give a better service to the public,” ni Lawas pa sa iyang pamahayag. (BANAT NEWS)