Lisensya ipakanselar
CEBU, Philippines - Ang director sa Police Regional Office (PRO-7) Marcelo Garbo Jr. mipirma na kagahapon sa rekomendasyon sa pagkanselar sa mga lisensiya sa armas nila ni Pablo Garcia III, Tonyson Lee ug Jose Maria Primitivo Cal.
Base sa maong rekomendasyon nga si Garcia adunay pito ka mga armas nga narehistro sa Firearms Explosives Unit (FEU), laing upat gipanag-iya ni Lee, ug laing tulo kang Cal.
Si Supt. Rex Derilo, hepe sa Firearms Explosives Security Guards and Agencies Supervisory Section (FESAGSS) nibalibad sa pagbutyag kung unsa nga klase sa mga armas ang narehistro.
“Basta naay high powered and low powered firearmsâ€, matud ni Derilo.
Ang pagkanselar sa lisensiya gihimo ni Garbo human nakuhaan og footage sa telebisyon ang tulo nga giingong nihapak kang Insp. Alvino Enguito taliwala sa tensyon nga nahitabo sa Provincial Capitol dihang gipatuman sa Department of Interior and Local Government ang suspension order batok kang Governor Gwendolyn Garcia. Si Enguito, team leader sa Regional Public Safety Battalion (RPSB) nga gi-augmented sa Kapitolyo ug giingong miguba sa tulo ka mga tulda nga gigamit sa mga supporters ni Gwen.
Ang tulo nag-atubang karon og kasong direct assault.
Si Garbo nagtuo nga i-approve ni PNP Chief Allan Purisima ang maong rekomendasyon.
“I believed that 90 percent Purisima would disapprove the license and the PTCFOR of Paulo and that I will send my recommendation and wait for the approval,†matud niya.
Si Garbo nga nahinabi sa Banat News mipadayag nga iyang gipirmahan ang rekomendasyon aron makanselar una ang renewal sa pagkuha og lisensya sa tulo. (Ria Mae Booc ug Lesley Caminade-Vestil/EIM) (BANAT NEWS)
- Latest
