Nagtangkil og ihas nga armas priso

CEBU, Philippines - Mikagulkol  sa prisohan ang  usa ka tawo human  masakmit  sa kapolisan  ang  .45 kalibreng  pistola  nga  gitangkil  niini  didto   sa barangay Cansaga  sa lungsod sa Consolacion   kagahapon  sa alas 6:00 pasado ang takna sa buntag.

Si PO1 Alvin Velasquez sa kapolisan sa maong lungsod nga nahinabi sa Banat News miila sa dinakpan nga mao si Vicman Hatamosa, 43, minyo, nga taga Poblacion Occidental sa maong lungsod.

Matud pa ni PO1 Velasquez nga sila si PO2 Jovanie Mabano ug PO2 Ralph Laurel    nga nagpatrolya sa maong dapit  maoy nakasigpat kang Hatamosa   nga nagbagal   ang hawak.   

Gumikan  sa ilang  katahap  nga armas ang nagbagal ila kining  gihunongan  ug  dihang  gikap-kapan  bugnaw  kaayo  ang  sumbohan  sa  armas  sa suspetsado  busa  diha-diha  gisakmit  nila  kini  ug  gisikop  ang naulahi. Matud  pa  ni PO2 Mabano  nga  puno  sa bala  ang  magazine  sa maong   armas. Napakyas  usab  kini  sa pagpakita  og  mga  papeles  nga  legal  ang  pagdala niya  sa maong  armas  sama  sa   lisensiya sa armas, permit to carry fire arm ug mission order. Ang suspetsado  giposasan  sa kapolisan  nga  gidala  ngadto  sa ilang  buhatan  dayong  banlod  niini  sa prisohan. Dugang pa ni PO1 Velasquez nga  gipaabot   nila ang korte nga motugot kini nga makabutang og piyansa   ang dinakpan alang sa  temporary  niining kagawasan. (/WC)(BANAT NEWS)