DOLE ug negosyante mipirma og MOU

CEBU, Philippines - Ang Carmen Copper Corporation (CCC) maoy nanguna sa bag-ohay lang gihimong pinirmahay sa Memorandum of Understanding (MOU) ubos sa KAPATIRAN WISE-TAV Program sa Department of Labor and Employment (DOLE-7) uban sa ilang mga  sakop.

Sumala pa ni  Emmanuel Y. Ferrer, Regional Labor Communication Officer sa DOLE-7 nga ang maong KAPATIRAN WISE-TAV nga programa nga adunay tema nga "Para sa Mas Ligtas, Malusog, at Produktibong Manggagawa maoy usa  ka flagship  program sa DOLE  ug sa katawhan.

    Dugang pa niya nga gipresentar ni Ms. Maria Grace V. Diaz, hepe sa Cebu Provincial Field Office (CPFO) ang rationale sa maong programa nga nagpunting   sa mas luwas ug mas maayong kondisyon sa trabaho.

Samtang si DOLE-7 Regional Director Ma. Gloria A. Tango mipadayag sa iyang dakong pasalamat ngadto sa tagdumala sa CCC kinsa mipakita sa ilang kinatibuk-ang kooperasyon ug kaikag sa pagsalmot sa kalihokan sa DOLE.

Gibutyag ni Tango nga ang mga pagsuway sa DOLE 7 gipangunahan og estatistika nga naglangkob sa klasipikasyon sa negosyo  ug kaluwasan sa pagpanarbaho.

Samtang gipasalig ni Rodrigo C. Cal, Bise Presidente ug Resident  Manager sa CCC nga ila gayud sundon ang balaodnon sa pamuo, occupational safety ug ubang reglamento  sa labor standard ug usab occupational safety lakip na ang health standard pinaagi sa paghatag kanila og technical assistance aron magpabilin kining produktibo, luwas ug baskog ang kahimtang sa pagpanarbaho.

Ang mga mipirma sa MOU mao ang Carmen Copper Corporation nga girepresentahan ni Mr. Rodrigo C. Cal; ang Department of Labor and Employment nga girepresentahan ni Regional Director Maria Gloria A. Tango; ug  uban pa. (BANAT NEWS)