Dulangon girekomendar nga ma-direktor sa DepEd-7
CEBU, Philippines - Nagtinguha si Rep. Eduardo Gullas nga mamahimong regional director sa Department of Education ang kasamtangang assistant regional director karon nga si Carmelita Dulangon.
Si Gullas nagkanayon nga kwalipikado sa maong posisyon si Dulangon.
Niadtong milabay’ng Martes si Dulangon mibisita kini sa kongresista diha sa buhatan niini sa University of the Visayas (UV) ug nagpasalamat sa kanunay’ng suporta sa kongresista ngadto kaniya.
Ang ubang mga Kongresista sa Siquijor, Negros Oriental, Bohol ug Cebu ang giingong mosuporta usab nga mahimong director sa DepEd si Dulangon.
Kahinumduman nga si Dulangon nahimong officer-in-charge sa DepEd-7 human si kanhi DepEd director Recaredo Borgonia miretiro na sa iyang katungdanan niadtong milabay’ng Marso.
Si Gullas ang personal nga mitunol sa recommendation letter alang kang Dulangon ngadto kang DepEd Secretary Armin Luistro.
Ang maong recommendation letter gipirmahan kini sa mga magbabalaod sa Central Visayas. (/EIM) (BANAT NEWS)
- Latest
