Talaan sa awtorisadong mo-solicit ug modawat og donasyon gipahibalo

CEBU, Philippines - Mipagawas og talaan sa mga pangalan sa mga awtorisadong tawo nga maka-solicit ug makadawat og mga donasyon alang sa pagpangandam sa kanonisasyon ni Beato Pedro Calungsod sa Rome, Italy karung Oktubre 21, 2012.

Naglakip sa gamitan sa matigom unya nga pundo mao ang National Thanksgiving Mass sa Cebu City karung Nobiyembre 30, 2012, ang Archdiocese of Cebu, pinaagi sa Committee on Finance, mag-solicit ug modawat og mga donasyon

Apan aron malikayan ang posibleng pagpangilad ug pag-abuso mipagawas og mga pangalan ang simbahan si kinsa lang kadtong mahimong maka-solicit ug makadawat sa mga donasyon, ang wala sa maong listahan nagpasabot nga ilegal kini.

Ang mga nalista mao sila si Rt. Rev. Msgr. Roberto F. Alesna; Elvira Yap Go; Dame Mariquita S. Yeung; Lino F. Lebron; Edna D. Lhuillier; Recaredo “Ric” King; Victor S. Chiongbian; Leo ug Dame Norma Lim Liu; Amado Go; Francis Monera; Atty. Augusto W. Go; Engr. Jesus N. Alcordo; Pinky Quisumbing; Francisco L. Benedicto; Marissa Fernan; Rev. Fr. Raul Gallego.

Dugang niini mao sila si Dr. Jose “Dodong” ug Mrs. Nena Gullas; Rev. Fr. Eduardo Ventic; Barbara “Bambi” Gothong Tan; Kong. Eduardo ug Mrs. Norma Gullas.

Samtang ang sub-committee sa special events mao sila si Marlinda Angbetic Tan, Carmel de Pio-Salvador ug Robby Alugar.

Nunot niini gipahimangnoan ang publiko sa buot modonar nga sigurohong ang mga naa sa maong talaan lang ang ilang tunolan sa ilang donasyon, kung aduna may mga tawo nga mohimo niini nga wala sa maong listahan mahimong mosumbong sa mga numero 032-5207625 ug 032-5207626.

Ang maong pahibalo gikan ni Ricardo J. Cardinal Vidal, over-all chairmansa preparasyon sa Kanonisasyon ug ni Archbishop Jose Palma, ang co-chairman.  (Marigold P. Lebumfacil/EIM) (BANAT)