Festival of festivals ilusad

CEBU, Philippines - Andam na ang tanan sa ipahigayong Festival of Festivals karong Agosto 11 didto sa Cebu International Convention Center (CICC).

Kini human ipahigayon ang Pasigarbo sa Sugbo Festival kagahapon didto gihapon sa maong dapit .

 Kining maong mga kalihukan kabahin gihapon sa ika-443 nga founding anniversary sa lalawigan sa Sugbo

Si Engr. Junjit Primor ,ang Artistic Director sa Kapitolyo mibutyag nga labing gipaanindot   karon ang presentasyon ug mga props sa matag delegado nga gikan sa kalungsoran tungod kay sama sa miaging tuig dagko usab ang gitagana nga primyo alang sa mananaug sa maong indigay.

Gitataw ni Primor nga ang kapin sa 30 ka mga contingent   pulos naningkamot ang matag usa nga modaog sa bangga sa nagkalainlaing kategoriya.

Hinuon kining tanan mag-agad sa performance sa matag contingent ug sa mga huwes usab nga mopakanaog sa desisyon. (BANAT NEWS)