PRO7 kuwang og armas
- Lesley Caminade-Vestil (The Philippine Star) - July 26, 2012 - 12:00am

CEBU, Philippines - Gihangop sa kapolisan sa Central Visayas ang balita nga kompletohon ang armas sa kapolisan dinhi sumala sa gipasalig ni Preidente Benigno Aquino III sa iyang state of the nation address (SONA) sa miaging  Lunes.

Atol sa gipahigayong Talakayan sa Isyung Pulis sa PRO7 kagahapon gibutyag ni PSSupt Orlando Ualat, hepe sa Regional Directorial Staff dinhi sa Kabisay-an, 40 porsiyento sa katibuk-ang puwersa sa kapolisan   dinhi ang walay armas.

Matud pa ni Ualat nga kun matuman ang gisaad sa pamuno nasud ikalipay kaayo nila kini sa pagtuo nga wala nay mga polis nga walay armas. Sa SONA ni Presidente Aquino iyang gipasalig nga mopalit ang nasudnong kagamhanan og 74,600 ka mga armas de fuego aron magamit sa mga kapolisan batok sa mga kriminal.

Gawas sa mga armas de fuego mamalit usab ang kagamhanan og mga barko ug eroplano nga iggugubat   aron magamit batok sa ubang mga nasud nga mosuway sa pagpanghilabot sa kabtangan sa Pilipinas.

Dinhi sa rehiyon 7, si Ualat miingon nga padayon pa sila sa pag-recruit og dugang puwersa sa kapolisan, busa nagkinahanglan usab sila og dugang mga armas nga magamit sa bag-ong mga polis. (BANAT NEWS)

AQUINO ARMAS ATOL ORLANDO UALAT PREIDENTE BENIGNO AQUINO REGIONAL DIRECTORIAL STAFF UALAT
  • Latest
  • Trending
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with