Wa katiwas pagkaon gipatay
Nila - Rey Pasaporte (The Philippine Star) - July 4, 2012 - 12:00am

CEBU, Philippines - Wala makatiwas sa iyang pamahaw ang usa ka lalaki human kini gipusil samtang nagkaon sa usa ka karenderya kagahapon sa buntag diha sa sitio Kalubihan, sa barangay Talamban dakbayan sa Sugbu.

Giila sa Homicide Section ang biktima mao si Romeo “Estreba” Estrada, 50, stay-in worker sa Milajayne Trading nga nagbase diha sa maong lugar ug lumad kini nga taga lungsod sa Tuburan.

Giila sa ngalang Edgar Chan, giingong taga dakbayan sa Lapulapu ug kanhi kauban sa trabaho sa biktima kaniadto nga mihawa human nagkabikil sa biktima ug nagtabangtabang na lang sa usa ka karenderya sa maong lugar.

Sa pasiunang imbestigasyon sa Homicide Section nagkanayon nga si Eugene Zambo, 39, tag-iya sa karenderya ug higala sa suspetsado nga nagkaon si Estrada sa tapad nilang karenderya dihang giduol sa suspek ug gipusil.

Ang suspek daling midagan pahilayo sa lugar ug wala na maabti sa miresponding kapulisan.

“Before nag work ang suspek sa Milajayne Trading, ni-resign ang suspek kay gaaway sa biktima, kompetensya sa trabaho,” asoy pang SPO1 Ruth Violango usa sa mga imbestigador sa Homicide Section sa Cebu City Police Office.

Apan matud ni Violango nga naglagot ang suspek kay matag kaon sa biktima magpadungogdungog kini nga dili siya mokaon sa karenderya nga gitrabahoan sa suspek kay basin hiloan siya.

“Nasuko nadugay ang suspek, mao to nikuha og armas ug gipusil ang biktima,” matud pang Violango.

Ang biktima naantimano pagkaigo, duha sa walang bahin sa dughan ug ang usa sa iyang bukton gituohang milapos pa ang bala niini. (BANAT NEWS)

BIKTIMA CEBU CITY POLICE OFFICE EDGAR CHAN EUGENE ZAMBO GIILA HOMICIDE SECTION MILAJAYNE TRADING RUTH VIOLANGO SUSPEK
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with