Kargador naghikog wa mamatay

CEBU, Philippines - Napakyas sa iyang paghikog ang usa ka kargador dihang nailog sa iyang kapuyo ang kutsilyo nga iyang giunay og dunggab sa iyang tiyan sulod sa ilang balay sa barangay El Pardo lungsod sa Boljoon, niadtong Huwebes sa alas 7:00 sa gabii.

Ang buot untang magkutlo sa iyang kinabuhi mao si Diomedes Mejellano, 28, ulitawo apan may kapuyo nga usa ka 16 anyos nga dalagita.

Si PO1 Rogelio Senajon sa Boljoon Police Station mibutyag sa Banat News nga ang maong kargador mipauli nga hubog sa ilang balay sa alas 7:00 sa   maong gabii.

Unya giagda siya og panihapon sa iyang katipon apan wala kini mokaon ug gani milakaw kini nga nagbagulbol.

Apan matud pa mibalik kini sa balay nga nagbagulbol gihapon uban sa pagmahay sa iyang mga igsoon kay matud pa wala nay nagmahal kaniya.

Unya maoy nabantayan sa kapuyo nga mikuha kini og kutsilyo dayon gihansak sa iyang tiyan.

Dihang nagkadugo na namatikdan sa kapuyo nga gisigihan pa og dunggab ang kalawasan niini busa dali niyang giilog ang kutsilyo dayon nangayo siya og panabang sa mga silingan ug nailog ang iyang hinagiban.

Gihatod dayon nila kini sa tambalanan aron maatiman sa mga doktor. (BANATNEWS)