Mga yuta sa Kapitolyo ipa-develop

CEBU, Philippines - Ipatrabaho sa kagamhanan sa lalawigan sa Sugbo ang mga kayutaan niini nga ania mahimutang sa dakbayan sa Sugbo aron makahatag kini og kinitaan sa kagamhanan sa probinsya.

Kini ang usa sa mga nahisgutan sa Economic Enterprise Council sa lalawigan sa Sugbo nga gipangulohan ni Governor Gwendolyn Garcia atol sa panagtagbo nila sa miaging adlaw. Matud sa Provincial Planning and Development Officer sa lalawigan sa Sugbo Engr. Adolfo Quiroga nga adunay duha ka mga luna nga ilang ipasubasta sa pribadong mga kompaniya nga gustong mopalambo niini.

 Gipasabot ni Quiroga nga ang pagpalambo niini ipaubos sa build operate transfer diin iya sa kontrakto ang tanang gasto ug segun sa kontrato kun pila ka tuig silang mopahimus niini, inigkabahas sa maong kontrato ihatag nila kini sa gobiyerno nga libre ug wa nay obligasyon ang kagamhanan kanila. 

Sa nasayran , bag-o lang na-award ngadto sa Fil Invest ang luna sa lalawigan nga kanhi nahimutangan sa Bagong Buhay Rehabilitation Center

Susama usab niini ang mahitabo sa uban pang yuta sa Kapitolyo nga ania sa dakbayan. (BANAT NEWS)