UV ug Maasin City College may kasabotan

CEBU, Philippines - Ang University of the Visayas nga girepresentahan sa iyang Executive Vice President nga si Dr. Jose R. Gullas ug ang City of Maasin ug ang Maasin City College (MCC) nga girepresentahan ni Mayor Maloney L. Samaco kinsa sa samang higayon maoy presidente sa MCC mipirma og usa ka kasabotan tali sa UV niadtong miaging Hunyo 2, 2011 nga motanyag og mga kursong Hotel, Restaurant Management, Tourism ug Post Graduate   sa MCC magsugod sa tuig tingtungha 2011-2012.

Ang UV maoy moabaga sa mga kinahanglanon sa MCC sama sa faculty, kasinatian, library ug mga kahimanan sa laboratoryo alang sa mga estudyante sa maong kolehiyo.

Ang pagpinirmahay sa maong kasabotan gisaksihan sa mga opisyal sa City of Maasin nga naglakip kang Vice Mayor Maria Effie Abiera Sabandal, City Administrator manlalaban Feorillo A. Demeterio Jr., ang Investment Officer Wilfredo O. Justimbaste ug Mrs. Maria Chona M. Samaco.

Mitambong usab si Dr. Eladio C. Dioko ang UV Vice President for Administrartion, Dean Rosemarie Español sa UV College of Business Administration ug manlalaban Joseph M. Baduel, ang UV Vice President for External Affairs ug Dr. Gelacio T. Jumao-as, ang UV Budget Officer. (WC)(BANAT NEWS)