Malacañang nangayo og pasaylo sa kabanay
- Brenda Batuto () - March 5, 2011 - 12:00am

CEBU, Philippines - Ang Malacañang nangayo og pasaylo sa mga kabanay sa nurse nga nabiktima sa linog didto sa Christchurch, New Zealand.

Base sa report sa TV Patrol Central Visayas nga opisyal nang gipagawas sa mga otoridad sa New Zealand ang mga ngalan sa 20 ka tawo kinsa kompirmado nang mga patay apan walay mga Pinoy ang nalakip niini.

Apan gideklara sa mga otoridad sa New Zealand nga patay na ang 11 ka mga Pinoy nga nabiktima sa linog.

Ang mga kabanay sa mga nurse nga nabiktima sa linog nasagmuyo sa pamahayag ni Foreign Secretary Alberto Del Rosario kabahin sa pagdeklara sa 11 ka mga Pinoy nga patay na.

Si Dr.Ethel Uy kinsa usa sa kabanay sa biktima sa linog mitungha sa TV Patrol Central Visayas nagpakita sa text message gikan sa usa ka opisyal sa Malacañang nga nangayo og pasaylo ngadto sa mga kabanay sa mga nabiktima.

Sa laing bahin, sa video sa You Tube nga gi-download niadtong Pebrero 27, 2011 ang inahan sa na-missing nga nurse nga si Rhea Mae Sumalpong nangasaba sa mga representante sa Department of Foreign Affair, ngadto sa New Zealand.

Atol sa gihimong tigom tali sa mga pamilya sa biktima ug sa duha ka mga representante sa DFA si Mrs. Sumalpong mikwestiyon kabahin sa dili maayong pagtagad sa mga sakop sa DFA ngadto kanila nga aron unta mahupay ang ilang gibating kabalaka ug kaguol.

Ang duha ka mga sakop sa DFA nangayo og pasaylo ngadto sa mga pamilya sa biktima kung duna man silay mga kakuwang sa ilang gihimo.

Mipasabot ang mga sakop sa DFA nga nag-adjust sila sa mga sitwasyon tungod kay adunay mga kausaban sa mga oras sa ilang mga lakang nga himuon ug dili malikayan nga aduna silay mataligam-an. (BANAT NEWS) 

ANG MALACA DEPARTMENT OF FOREIGN AFFAIR ETHEL UY FOREIGN SECRETARY ALBERTO DEL ROSARIO MRS. SUMALPONG NEW ZEALAND PATROL CENTRAL VISAYAS PINOY
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with