^

Banat Balita

Utok sa mipatay sa sikyu gipanid-an

- Brenda Batuto -

CEBU, Philippines - Ang kapolisan sa dakbayan sa Talisay padayon pa sa paghipos og mga impormasyon bahin sa giingong utok kamatayon sa head security guard sa Alfa Executive Homes subdivision sa barangay Lawaan III sa nahisgutang siyudad.

Si Inspector Hugo Rio Ipong, hepe sa Intelligence Group sa Talisay City Police Station sa pakighinabi sa mga tigbalita kagahapon nagkanayon nga padayon pa sila sa pagpaniid karon sa tawong mipatay kang Rolly Rodrigo lakip na sa giingon utok sa hitabo.

Nahitabo ang krimen kapin na sa semana sa national highway sa barangay Lawaan I, Talisay dihang si Rodrigo paingon nang mopauli gikan nga naghatod sa iyang mga anak sa iskuwelahan.

Matud ni Ipong nga ang mipusil ni Rodrigo adunay laing kuyog nga nagsakay usab og motorsiklo nga maoy giingong look-out.

Ang kapolisan aduna nay saksi sa hitabo apan matud ni Ipong nga nanghinaot silang aduna pay laing mga witness nga motumaw ug makatabang kanila pagkuha og dugang pang mga ebidensiya.

Sayo niini usa ka kanhi sakop sa Talisay City Intelligence Bureau (TCIB) o Barangay Intelligence Network (BIN) nga si Jolito Labrador residente sa sitio Caduldulan, barangay Lawaan III giingong maoy gisugo sa pagpangita og tawo nga mopatay kang Rodrigo bugti sa P17 mil nga bayad.

Si Labrador gisikop sa kapolisan human kini mailogi og kalibre .45 nga pistola, usa ka magazine niini nga adunay upat ka buhing mga bala ug duha ka kabhang sa bala sa kalibre.357 nga revolver dihang gironda sa kapolisan ang iyang balay.

Ang maong pagronda gisandig sa search warrant nga giluwatan ni Regional Trial Court (RTC) Judge Soliver Peras sa Branch 10.

Si Labrador napasakaan na og kasong illegal possession of firearm sa Talisay City Prosecutors. (BANAT)

ALFA EXECUTIVE HOMES

BARANGAY INTELLIGENCE NETWORK

INTELLIGENCE GROUP

IPONG

JOLITO LABRADOR

JUDGE SOLIVER PERAS

LAWAAN

RODRIGO

SI LABRADOR

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with