Giluba patay sa wa ilhing tawo
CEBU, Philippines - Namatay ang usa ka lalaki human kini dunggaba sa wala hiilhing mamumuno sa barangay Nangka lungsod sa Consolacion sa milabay’ng adlaw.
Ang biktima nailhan nga si Leonardo Avenido, 50, nga taga barangay Pulpogan sa maong lungsod.
Sumala sa kapolisan sa Consolacion, padulong nang mipauli ang biktima sa ilang balay kauban sa iyang silingan nga si Lauro Vacunador.
Samtang naglakaw sila sa dalan, may wala hiilhing tawo nga misangpit kanila ug sa dihang giduol, kalit lang giluba ang biktima.
Nasabak ang biktima sa dughan ug sa pagkahagba niini sa yuta mikaratil usab og dagan pahilayo ang kriminal.
Ang biktima daling gihatod ngadto sa Eversely Hospital apan gideklarar kini nga dead on arrival.
Padayon pang gipangita sa kapolisan ang wala hiilhing kriminal. – BANAT NEWS
- Latest
- Trending