Inilang tunghaan ug hospital sakmiton

CEBU, Philippines -  Gipaabot nga pugngan na sa kagamhanan sa dakbayan sa Sugbu ang mga propiedad sa mga tag-iya og eskuylahan ughospital sa siyudad karong sunod buwan nga naglikay sa pagbayad sa ilang buhis.

Kini tungod kay napupos na ang gihatag nga tagal sa City Treasurer’s Office, human sila kapadalhi og Certificate of Tax Delinquency niadtong miaging semana.Ang mga eskuylahan ug tambalanan nga sakmitunon sa gobyerno lakip na ang yuta nga gitarokan nila sa ilang mga edipisyo naglakipsaCebu Doctor’s Hospital, Cebu Doctor’s University, Cebu North General Hospital, Southwestern University, Sacred Heart Hospital, Velez General Hospital ug Cebu Institute of Technology.

Matud ni City Treasurer Ofelia Oliva nga sa sunod semana, ila nang ipublikar ang maong mga institusyon alang sa sunod lakang nilang himoon.

Gipadayag ni Oliva nga duha ray ilang pilianaron sa pagpugos sa nahisgutang mga tulunghaanug hospital sa pagbayad sa ilang buhis.

Kini mao ang pagpugong sa ilang mga kabtangano kaha dili na ipagamit angpundo nilang kuwarta sa bangko

Apan matud ni Oliva nga mas sayon alang kanila ang pagpugong sa ilang mga kabtangan kay sa ilang pundong salapi sa bangko.

Miingon si Oliva nga inighuman nila og publikar ning mga institusyona sa mga pamantalaan sulod sa duha ka semana, pugngan na sa kagamhanan sa dakbayan ang ilangmga kabtangan, buot ipasabot nga ang ilang yuta ug mga tinukod nga edipisyo niinisama sa eskuylahan ug hospital dili nila ikaariya sa mga tag-iya niini ngadto salaing pumapalit kay panag-iyahon na kini sa gobyerno.

Gikataho nga mokapin sa tunga sa bilyon ka pesos ang wala mabayring business tax sa nahisgutang mga institusyon .

Maayo nalang kay ang mga tag-iya saCebu Institute of Technology ug sa University of Cebu, nakabantay nga dili sila lung-an sa kagamhanan ug gukoron gyud sila bisan unsaon nila’g likay sa ilang bayranang buhis, nakahukom dayon nga bayran nila ang ilang obligasyon.

Ganigipaabot nga pasidunggan sila sa kagamhananatol sa charter day sa dakbayan karong sunod buwan.   (BANATNEWS)