Tanod namusil

CEBU - Usa ka barangay tanod sa barangay T. Padilla ang gidakop human pasanginling namusil sa iyang silingan kagahapon sa ala 1:20 sa kaadlawon diha sa may sitio Eagle sa nahisgutang lugar.

Si Francisco Barrientos “alias Iko” 55, nga gawas nga tanod sa barangay usa usab ka negosyante gisikop human mapusili ang silingang si Desan Morata, 38.

Si Morata naa karon sa seryosong kahimtang human maigo sa tuong dughan nga nilapos sa luyong bahin sa iyang lawas ug sa luyong bahin sa tuong paa.

Sa imbestigasyon nila ni SPO1 Rogelio Nedamo sa Homicide Section sa Cebu City Police Office ang biktima uban sa iyang mga kahigalaan ug mga silingan nag-inom niadtong tungura.

Kalit lang nibutho ang suspek ug sa walay daghang pangutana gipusil ang biktima dayong sibat palayo sa nahisgutang lugar samtang gidala ngadto sa Cebu City Medical Center ang biktima.

Gikatahong nasuko sa biktima ang suspek tungod kay nagduda kining nakigrelasyon   sa iyang anak nga minyo kansang bana atoa sa abroad magtrabaho.

Ang suspetsado boluntaryong mitahan sa iyang kaugalingon ngadto kang SPO1 James Estrera.  (BANAT NEWS)