^

Konseho sa Mandaue misuporta kang Cortes

- Ni Romeo T. Limpangog () - June 25, 2008 - 12:00am

Dili supak ang konseho sa dakbayan sa Mandaue sa tinguha ni Mayor Jonas Cortes nga ang Emergency Rescue  Unit Foundation (ERUF) ipahimutang sa dakbayan.

Apan ang suliran sa konseho mao ang paggahin og salapi nga gipangayo sa mayor sanglit gibasura man  sa Commission on Audit (COA) ang ilang hangyo kalabot niini tungod lang  kay ang usa  sa mga dakong opisyal sa ERUF  igsoon man sa mayor.

Si Majority Floor Leader Victor Biaño nagkanayon nga ang mayor mahimong mangayo og gahin sa konseho apan kinahanglang sutaon  kun wala bay malapas nga  mga lagda sa balaod nga  gilatid sa COA.

Sa nasayran, giuyonan na unta sa konseho ang  P1.5 milyones nga gahin alang sa ERUF ug ang resolusyon kalabot niini ilang giduso ngadto sa COA.

Hinuon nagtuo ang mayor nga aprobahan sa COA ang iyang tinguha  sanglit ang kagamhanan sa dakbayan nakahimo na man sa paggahin og salapi alang sa Mantawi Foundation Incorporated sa panahon pa ni kanhi Mayor Thadeo Ouano.

Si Atty. Nilo Pala nga maoy chief legal bureau officer sa COA  midumili sa pag-uyon sa hangyo sa konseho kay  nakalapas kini  sa Republic Act 6713 nga mao ang Code of Ethical Standards  of Public Officials and Employees.

Sa balaod nga gilatid ubos sa Section 4, kini nagdili sa higpit sa paghatag og pabor sa usa  ka buhatan sa gobyerno diin usa sa mga opisyal niini, kapamilya o kabanay  sa opisyal nga  nangayo sa maong gahin.

CODE OF ETHICAL STANDARDS EMERGENCY RESCUE MANTAWI FOUNDATION INCORPORATED MAYOR JONAS CORTES
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with