It’s the final countdown!

Hingulata’g asawa gipusil patay sa iyang bayaw  sa sitio Kapilan,  Poblacion  Carcar sa miaging   hapon.

Ang biktima giila nga si Lorenzo Ballentos, 30, minyo ug nagpuyo sa samang lugar samtang ang suspetsado giila nga si Roy Aleguiojo, hingkod ang panuigon, ulitawo ug nagpuyo sa sitio Mahayahay,   Napo   sa Carcar.

Matud pa ni SPO3 Jonas Pananganan nga gikahinabi sa Banat News aduna na’y kalagot  ang suspetsado ngadto sa biktima diin matud pa napuno na ang suspetsado sa gihimong pagpangulata niini ngadto sa iyang igsuon nga babaye.

Matud pa ni SPO3 Pananganan nga sa wala pa mahitabo ang insidente ang biktima ug ang suspetsado nagkalalis nianang pagkabuntag ug sa pagkahapon na niana mibalik ang suspetsado ug dayon pusil ngadto sa biktima.

Ang biktima nakaangkon og samad pinusilan sa iyang luyong bahin sa liog nga milapos ngadto sa iyang ulo nga maoy hinungdan sa iyang kamatayon.

Midugang si SPO3 Pananganan nga ang asawa sa biktima diin gipahibalo na lang human sa insidente miingon nga mapugos siya sa pagpasaka ug kasong murder ngadto sa iyang igsuon kinsa maoy mipatay sa iyang bana.

Sa pasiunang  imbestigasyon nga gihimo sa kapolisan sa Carcar ang biktima migamit og wala matinong kalibre sa   patay ni Ballentos sakay sa  usa ka motorsiklo nga ginganlan og “Kalabera” nga kolor  itom.

Sila si SPO1 Meliton Agadier ug PO3 Alex Padin maoy nakarekober sa motorsiklo nga gihimong get-away ug gisikop dayon ang suspetsado.