Bana mipatay sa misis tungod sa manok

Asawa ang giunay og dunggab sa iyang hubog nga bana diha sa ilang panimalay sa miaging gabii pasado alas 7 ang takna sa Tubod, Sibonga.

Ang namatay giilang si Prima Revillesa Suan, 39, ug ang midunggab kaniya mao ang bana niining si Felix Revillesa Quinto, 39, usa ka mag-uuma nga nanimuyo sa susamang lugar.

Si Prima nakaangkon og daghang samad dinunggaban sa nagkalainlaing parte sa iyang kalawasan ginamit ang plamingko sa bana, apan ang gikamatyan sa biktima mao ang dinunggaban diha sa walang bahin sa dughan duol sa kasingkasing.

Si PO3 Ramuel Banugon nga nahinabi sa Banat News miingon nga si Felix nakig-inom sa iyang mga higala.

Labihang sukoa sa asawa nga iyang nahibaw-an nga ang himongaan nga nangitlog diha sa puggaran gikuha og gipaihaw sa iyang bana ug gipasumsoman.

Nasuko si Felix nga gisukmatan ug midunggab sa asawa. Si Felix daling nadakpan sa kapolisan samtang ang asawa gideklarar nga patay na sa paghiabot sa klinika duol sa nahitaboan. - Rey Pasaporte