Pusher nadakpan

Daw naibtan og tunok ang mga ginikanan sa kabarangayan sa lungsod sa Consolacion human madakpi ug nabalhog sa bilanggoan sa Criminal Investigation and Detection Group (CIDG-7) ang banggiitang drug pusher sa ilang lugar.

Si Jose Raboy, nadakpan sa mga sakop sa CIDG 7 sa siyudad sa Sugbo atol sa pagpangronda.

Ang pagdakop kang Raboy nahitabo atol sa buy bust operation nga gihimo sa pinuy-anan niini sa dakbayan sa Sugbo. Uban sa nadakpan ang usa ka Richard Solon.

Si Solon nga unang nadakpan nasakmitan og 25 gramo nga shabu, mga kahimanan sa paggamit niini ug uban pa nga mga ebidensiya.

Ang duha ka dinakpan ang gipasakaan og kaso sa korte nga kalapasan sa Republic Act 9165, ang Comprehensive Dangerous Drugs Act of 2002.

Sa imbestigasyon sa CIDG 7 ngadto sa maong suspetsado maoy gitug-an niini nga ang shabu gibaligya niini ilang ipasa ngadto sa mga kontak sa kalungsoran dinhi sa lalawigan.