Presyo sa nag-unang palaliton wala mosaka

TAGBILARAN CITY - Gipaneguro sa kadagkuan sa Department of Trade and Industry kon DTI ning dakbayan nga wala pa sila'y namatikdan nga adunay pagsaka sa presyo sa nag-unang palaliton sa kamerkadohan ning dakbayan.

Gipadayag kini sa mga opisyal sa DTI nga sa pagka karon mihimog halapad nga pagbantay sa tinud-anay nga kahimtang sa presyo sa nag-unang palaliton sa pagka karon.

Miabag usab kanila ang mga empleyado sa dakbayan nga gitahasan usab ni Mayor Dan Neri Lim pagseguro nga kahatagan gayod sa igong proteksyon ang katawhan.

Matud pa ni Lim nga gikinahanglan gayod kaayo maseguro nga walay mga negosyante nga mupahimulos sa higayon.

Kini gumikan sa pag usab-usab sa presyo sa lana ingon man uban pa nga produktong petrolyo.