KC kinumpirma ang dinner date sa NBA player

MANILA, Philippines – Matapos banggitin ni Houston Rockets forward Chandler Parsons ang dinner date nila ni KC Concepcion, ang Kapamilya star na mismo ang nagkumpirma nito.

Ngayong Huwebes ng umaga ay nagpost sa kanyang Instagram account si KC kasama ang mga kapatid na sina Chloe at Gabrielle at si Parsons.

“Mabuhay! So much to see, so little time! Fun night with my ladiez & the big boys,” nakalagay na caption sa larawan. KC wrote on the post’s caption.

Kahapon ay inamin ni Parsons na nag-date sila ni KC ilang buwan matapos silang magpalitan ng tweet sa micro-blogging site na Twitter.

“Yeah I did. We had dinner last night (Martes) and we had a mutual friend that put us in contact and hopefully, we can do some work together in the future here,” banggit ni Parsons.

Inamin ni Parsons, ang second-round draft pick ng Houston at 38th overall noong 2011 mula sa University of Florida, na nagustuhan niya ang Filipina actress dahil sa kagandahan at magandang pagtrato nito sa kanya.

Kaugnay na balita: May tama sa anak ni Mega Chandler parsons ng Rockets nag-enjoy sa date nila ni KC

“She’s a great girl and I had a good time last night (Martes),” sabi ng 24-anyos at 6-foot-9 na NBA player.

Nasa bansa ang Houston Rockets at Indiana Pacers para sa kauna-unahang pre-season game sa Mall of Asia Arena sa Pasay City ngayong gabi.