Sina Derek at Crisitine na?

MANILA, Philippines – Mag-on na nga ba sina Kapatid actor Derek Ramsay at Kapamilya actress Cristine Reyes?

Sa ulat ng entertainment website na PEP.ph ngayong Huwebes, inamin ni Derek na may relasyon sila ni Cristine.

Sa kanyang Twitter account ay sumagot si Derek sa isang tanong ng kanyang follower na “Sorry but u really said that u keep in private ur next relationship, but for now u and Cristine ‘daw’ she's also fr showbiz.”

Sumagot ang hunk actor at sinabing kinain niya ang kanyang mga sinabi noon.

@ItsMeLykaMae i did say that ill never date someone from showbiz and that id never date cristine coz she is a friend. I eat my words.

— Derek Ramsay (@IAmDerekRamsay) August 29, 2013

Nang tanungin naman si Cristine kahapon sa press conference ng kanyang bagong show na “Bukas Na Lang Kita Mamahalin” sinabi niyang single pa rin siya ngunit kaagad din niya itong binawi.

“Same pa rin. Single pa rin ako. I don’t know. Nag-i-entertain,” unang sagot ni Cristine pero nagpahabol ng: “Nagsisinungaling lang ako, please. I-delete niyo iyon!”

Ayaw naman magsalita ni Cristine kung sila na nga ba ni Derek, aniya, gusto niyang masigurado ang lahat bago niya ito kumpirmahin sa iba.

“Hindi ko pa alam kung paano sasagutin iyan sa ngayon. Dahil gusto ko kung magsasalita ako, yung sure na. Gusto ko yung sigurado na talaga,” banggit ni Cristine.

“If ever man may sasabihin ako, yung sigurado na,” dagdag niya.

Nagkasama sa pelikulang “No Other Woman” ng Star Cinema ng ABSCBN sina Derek at Cristine noong 2011.

Huling girlfriend ni Derek si Angelica Panganiban, habang noong Enero naghiwalay si Cristine at Rayver Cruz.