Net worth ni Davide nikunhod, Magpale nisaka
CEBU, Philippines – Mas nigamay ang net worth ni Gobernador Hilario Davide III sa tuig 2016 itandi sa tuig 2015 base sa iyang Statement of Assets, Liabilities and Net Worth (SALN).
Gikan sa P18.9 milyones nga net worth ni Davide, nikunhod kini og P500 mil ug nahimo na lang og 18.4 milyones.
Sa SALN sa gobernador, moabot ngadto sa kapin P20 milyones ang assets niini apan adunay liabilities nga P2.1 milyones.
Ang real properties ni Davide naglakip sa upat ka residential properties ug usa ka agricultural property nga balor og P7.9 milyones samtang sa iyang personal properties moabot ngadto sa P12.6 milyones nga naglakip sa sakyanan, kwarta sa bangko, appliances ug ingon man alahas.
Ang utang ni Davide nga P2.1 milyones gilangkuban kini sa car loan, housing load ug credit cards.
Samtang si Bise Gobernador Agnes Magpale moabot usab ngadto sa P60.4 milyones ang net worth ug walay utang o liabilities.
Nisaka kini og P1.4 milyones itandi sa P59 milyones nga net worth niadtong 2015.
Si Magpale adunay tulo ka residential properties, usa ka agricultural property, upat ka commercial, usa ka mixed used properties nga moabot sa P17. 8 milyones.
Ang iyang personal properties niabot sab og P42.4 milyones apil na ang bank account, furniture, investments ug sakyanan.
Ang mga empleyado sa Kapitolyo nakaduso na sa ilang SALN sa wala pa ang Marso 31 nga tagal sa buhatan sa Ombudsman.
Kini naglakip sa mga piniling opisyal, co-terminus ug regular nga mga kawani. -/GMR (BANAT NEWS)
- Latest
