Agri-Fishery Fair sa Kapitolyo abli na

CEBU, Philippines — Bisan naigo sa Bagyong Urduja ang amihanang bahin sa Lalawigan sa Sugbo apan nakaladlad gihapon sa ilang mga produkto ang pipila ka lungsod sa Agri-Fishery Fair dungan sa Pasko sa Kapitolyo 2017.

Pormal nga gibuksan kagahapon ang tinuig nga Pasko sa Kapitolyo nga molungtad hangtud sa Biyernes diin pasidunggan ang best booth ug early decorated booth.

Ang maong kalihukan abli alang sa tanan maong giawhag ni Provincial Agriculturist Roldan Saragena ang tanan nga mobisita sa Capitol compound ug mamalit sa mga baligya lakip na sa mga pagkaon.

Abli ang Agri-Fishery Fair gikan alas 7 sa buntag hangtud sa alas 9 sa gabii. (BANAT NEWS)