45K MC taxi cap giit ng transport group

MANILA, Philippines — Humihirit ang top transport group sa Kongreso na panatilihin ang 45,000 motorcycle taxi cap sa Metro Manila.

Ayon kay Ariel Lim, National President ng NACTODAP, mas magi­ging malala ang trapiko kung dadagdagan pa ang mga motorcycle taxi.

Anya, tiyak ding maapektuhan ang kaligtasan at pagiging epektibo ng public transportation.

Nagpahayag din ng kaparehong pagtutol ang iba’t ibang transport group gaya ng Pasang Masda, NPTC, LTOP, at iba pa hinggil sa pagpapanatili sa 45k MC Taxi cap.

“Every additional motorcycle taxi exacerbates our traffic woes and sidelines traditional transport sectors crucial for our city’s mobility,” pahayag ni Lim.

Sinabi naman ni Jun De Leon ng Public Transport Coalition na maapektuhan din ang kita ng mga driver kapag dinagdagan pa ang mga pampasaherong sasak­yan sa bansa lalo na sa Metro Manila.

“We must ensure that each step we take on our roads is a step towards progress, not regression,” pahayag ni de Leon.

Ipinaabot ng grupo kasama si Vice Chair Joel Chua ng Metro Manila Development Committee sa House of Representatives ang panawagan kay Pangulong Ferdinand Marcos Jr. maging sa Department of Transportation na gawing prayoridad ang sustainable expansion sa labas ng Metro Manila.

Sa ganitong paraan, sinabi ng grupo na mababalanse ang pagbibigay serbisyo ng transpor­tasyon sa publiko.