Dioscora (214)
“GUSTO ko na ring matapos ang kaguluhang ito sa aking buhay,’’ sabi ni Tatay SP.
“Kaya kung tama ang kutob ko na patay na si Dioscora, matutuwa ako nang labis. Kapag patay na siya isa lamang ang ibig sabihin, tapos na rin ang masasalimuot o bangungot sa aking buhay.
“Kung patay na si Dioscora, wala nang magtatangkang gumulo sa aking apo na si Shappira. Kahit wala nang alam si Shappira ukol sa kanyang mama, hindi pa rin ako nakakasiguro na hindi magugulo ni Dioscora ang aking apo. Ay iyan ang ayaw kong mangyari na bigla siyang susulpot at guguluhin ang aking apo. Ayaw kong maging magulo ang buhay ni Shappira kaya nga sa ibang bansa ko siya pinalaki at pinag-aral.
“Kung patay na ang babaing yun, saka pa lamang ako ganap na matatahimik at mapapayapa ang isip. Kaya idinadalangin ko na sana ay patay na si Dioscora. Sana, wala na ang salot sa aking buhay,” sabing may diin ni Tatay SP.
Noon nagkaroon ng lakas ng loob si JC na magbigay ng opinyon.
“Paano po kung buhay pa siya at naghihintay lamang ng pagkakataon?’’
Tumitig si Tatay SP kay JC.
Nanunuot sa pagkatao ang pagkakatitig ng matanda.
Itutuloy
- Latest