Sadiq (21)
NANG sumunod na araw, nalaman nina Sadiq at JayR na nakakulong na ang mga kasamahan nilang nahuling umiinom ng sadiki.
“Pati pala yung binilhan nila ng alak e nakakulong na rin, JayR.’’
“Inginuso siguro ng mga naaresto.’’
“Oo. Family driver daw yung gumagawa ng sadiki. Mayaman na raw yung drayber dahil sa pagbebenta ng alak.’’
Makalipas pa ang ilang buwan, nalaman nina Sadiq at JayR na pinauwi na ang apat nilang kasamahan na nahuling umiinom ng sadiki.
“Sinayang nila ang trabaho. Hindi na sila makakabalik sa Saudi. Ban na sila rito.’’
“Wala talagang maidudulot na mabuti ang alak ano, Sadiq.’’
“Talaga. Dapat yung mga nag-sa-saudi e iwasan ang mga bisyo kapag narito na. Sinasabi naman sa orientation yan bago umalis ang aplikante.’’
“Marami talagang matigas ang ulo ano Sadiq?’’
“Oo. Kaya ikaw, sundin mo lahat ang payo ko.’’
“Oo Sadiq.’’
“Hindi ka maliligaw ng landas kapag pinakinggan mo ako.’’ (Itutuloy)
- Latest
