BOC Intel Arm, may bagong pinuno

MANILA, Philippines — Para mapalakas ang intelligences ­operations at administrative oversight nito ay dalawang opisyal ng Bureau of Customs (BOC) ang inilipat sa ibang pwesto na bahagi ng hakbang ng ahensya.

Batay sa Customs Personnel Order na may petsang September 15 isinailalim sa re-assignment si Director III Thomas Narcise, na dating nasa Customs Intelligence and Investigation Service–Intelligence Group (CIIS-IG), at si Director III Jeoffrey Tacio na ­dating nasa Strategic Advisory Office sa ilalim ng Office of the Commissioner. Sa naturang personnel order, si Narcise ay itinalaga na sa Commissioner’s Strategic Advisory Office habang si Tacio naman ang inilipat sa CIIS-IG.

Effective immediately ang kautusan na nilagdaan ni BOC Commissioner Ariel Nepomuceno.

Ang pangalan ni Narcise ay nabanggit sa letter complaint na isinumite kay Pangulong Ferdinand “Bongbong” Marcos Jr noong December 2025 ng mga Customs officials, employees, at stakeholders.

Sa nasabing liham hinihiling nila kay Pangulong Marcos ang pagsasagawa ng impartial investigation sa umano’y alegasyon ng smuggling protection, corruption, at abuse of authority sa loob ng BOC.

Ipinatupad ang reassignment kina Narcise at Tacio matapos ang pahayag ni Comm.Nepomuceno na agad reresolbahin ang ang imbestigasyon sa umano’y ilegal na aktibidad sa ahensya partikular ang insidente ng pagsalakay ng Highway Patrol Group (HPG) sa warehouse sa Bulacan.