Dawn ug Atty. Ralph engaged na!
CEBU, Philippines — Engaged na ang kanhi “Pinoy Big Brother” housemate ug aktres nga si Dawn Chang ug ang iyang longtime boyfriend nga si National Police Commission (Napolcom) Commissioner Atty. Ralph Calinisan.
Nahitabo ang wedding proposal atol sa paglugwa nila sa game show nga “Kapamilya: Deal or No Deal” ug na-ere kini niadtong Oktubre 17. Suma pa ni Dawn, grabe kaayo ka pribadong tawo ang iyang uyab maong nasurpresa gyud siya sa proposal niini, ilabi na kay gihimo pa gyud kini sa usa ka TV show.
DoReMi nag-reunion
Gihisgotan og maayo karon ang nahitabong reunion sa iconic trio nga sila Donna Cruz, Regine Velasquez ug Mikee Cojuangco, nga mas nailhan isip DoReMi, atol sa ‘Finale’ concert sa Asia’s Songbird nga si Regine sa niaging gabii. Todo abiba ang audience sa paglugwa sa tulo sa entablado .Ang tulo maoy mga bida sa sikat nga pelikulang Do Re Mi niadtong 1996.
Mibalik sa Pilipinas
Mibalik og bakasyon dinhi sa Pilipinas dili pa lang dugay si Soobin, miyembro sa K-pop group nga Tomorrow X Together (TXT). Nipaubos si Soobin og training sa scuba diving dinhi sa Pilipinas.
Bea sa Metro Magazine
Si Miss Universe Philippines 2026 Bea Millan-Windorski ang kasamtangang digital cover sa METROmagazine.Gihisgotan usab niya ang iyang mithi ug prinsipyo sa pagka-Pilipino. “We really can't choose who our parents are or who our bloodline is. But what we can choose to do is live what it is to be a Filipino and live the values every single day,” saysay pa ni Bea.
- Latest
