Sharon gipangandoy ni Pops

CEBU, Philippines — Bisan pa sa pagsaulog ni Pops Fernandez sa iyang ika-40 nga anibersaryo sa entertainment industry , aduna pa gihapon siyay mga pangandoy nga gustong matuman, lakip na ang konsyerto  kauban ang Megastar nga si Sharon Cuneta. Suma pa ni  Pops, wala pa nila masulayi  ang  back-to-back concert, bisan pa nga nahimo na silang mga guest sa tagsa-tagsa nila nga mga konsiyerto.

Giimbestigar sa NBI

Gimandoan na ni  National Bureau of Investigation (NBI) Director Melvin Matibag ang Cybercrime Division ug Special Action Unit nga imbestigaron  ang mga host sa podcast nga “Machong Chismisan” ug mapasakaan og tukmang  kaso. Kahinumdoman nga sa usa ka episode sa maong podcast ,  gibugalbugalan ang anak ni Kris Aquino nga si  Josh Aquino. Bisan og gitangtang na ang maong episode, apan pipila ka netizens ang naka download og video niini .

Gikulbaan

Miangkon ang Kapuso actress nga si Mika Salamanca nga naka-feel  siya og pressure sa panagpares nila  ni Will Ashley sa bag-ong serye sa GMA 7 nga “Delivery Boi.”Sagol nga kakulba ug kahinam ang gibati karon ni Mika .

Ate Gay, mipahigayon og living funeral

Nipahigayon  og living funeral ang komedyanteng si Ate Gay sa niaging adlaw didto sa  Forest Lake Memorial Parks sa Biñan, Laguna.

Mitambong sa maong panagtigom ang iyang pamilya ug mga higala aron ipadayag ang ilang gugma, pagpasalamat ug paghinumdom sa mga nindot nilang kasinatian uban sa komedyante samtang buhi pa kini.

Ang living funeral  kay usa ka panagtigom o pagpahigayon  og tribute alang sa tawo nga buhi pa.

Kahinumdoman nga sa niaging tuig, gipahibalo ni Ate Gay nga  na-diagnose siya nga dunay Stage 4 cancer, partikular na ang mucoepidermoid carcinoma.