Marian, most influential Celebrity sa 2026

CEBU, Philippines — Napili  si Marian Rivera isip Most Influential Celebrity for 2026 sa bag-ohay lang nga EdukCircle.

“Truly grateful and humbled to be recognized as one of The EdukCircle’s Most Influential Celebrity of the year,” matud niya.

Dugang pa sa aktres, dakong garbo  alang kaniya ang paghatag  og inspirasyon ug positibong epekto sa uban.

Niadtong 2025, nakadawat usab si Marian sa  susamang award uban sa iyang bana nga si Dingdong Dantes.

Andrea gi-block ni Bea

Prangka nga giangkon ni Bea Borres nga iyang gi-block ang dugay na niyang higala nga si Andrea Brillantes human nagbalik ang komunikasyon nila  sa iyang kanhi boyfriend  nga si Meray Yamada.

Suma pa  ni Bea, nahibalo siya nga dili mouyon si Andrea sa iyang desisyon nga magpadayon sa paghimo og content uban ni Meray, nga amahan sa iyang anak nga si Hope.

Tungod niini, nakadesisyon siya nga i-block si Andrea aron malikayan ang posibleng panagbangi tali kanila.

David ug Ashtine, posibleng magpares?

Miulbo ang hungihong   nga posibleng magpares  sila David Licauco ug Ashtine Olviga sa Philippine remake sa sikat nga South Korean series nga “Fight For My Way.”

Ang maong K-drama nga unang gipasalida niadtong 2017, kay gibidahan kaniadto  nila Park Seo-joon, Kim Ji-won,  Ahn Jae-hong ug Song Ha-yoon.

Sa pagkakaron, wala pa’y opisyal nga kumpirmasyon kabahin sa posibleng Philippine adaptation ug sa pagkalakip nila David ug Ahstine.

Mobalik sa Pilipinas

Mobalik sa Pilipinas ang Filipina K-pop idol nga si Gehlee Dangca karong Septiyembre 29 aron ipadayon ang iyang karera isip solo artist human  nabungkag  ang iyang grupo nga UNIS didto sa South Korea.Kahinumdoman nga  pipila ka tuig nagpuyo si Gehlee sa South Korea alang sa natuman niya nga damgo  isip K-pop idol.

Makagawas na

Gimando sa Court of Appeals (CA) ang pagpagawas sa kanhi modelo nga si Deniece Cornejo ug sa tulo niya ka  kauban  nga sila Cedric Lee, Ferdinand Guerrero ug Simeon Palma Raz. Kahinumdoman napriso sila gumikan  sa kasong serious illegal detention nga gipasaka ni Vhong Navarro batok kanila. Gibuhat na ang legal nga proseso alang sa hingpit nila nga paggawas sunod adlaw.

Pelikula madayon

Gibutyag  ni Senador Robin Padilla nga ipadayon gyud  niya ang planong pelikula bahin sa kinabuhi ni Rene Baterbonia. Sa iyang Facebook post, miingon ang senador  nga determinado siyang masugilon pinaagi sa pelikula ang istorya ni Baterbonia. Andam na usab ang igsoun niya nga si Direk  BB Gandanghari ug mga filmmaker gikan sa Mindanao alang sa maong proyekto.