Maymay milusad sa awit nga “masunog man”

CEBU, Philippines —  Gidalit ni Maymay Entrata ang istorya sa pagsulay ug pagbangon sa labing bag-o niya nga awit nga “Masunog Man,” usa ka makapadasig nga awit nga nagsilbing simbolo sa kalig-on sa kasingkasingug paglaum bisan pa sa kasakit.

Ang “Masunog Man” mao ang bag-ong empowering anthem sa Kapamilya actress-singer, nga gihulma gikan sa personal niya nga kasinatian, gikan sa nasakit  niya  nga  inahan hangtod sa pagpanaw niini. Suma pa  ni Maymay, lawom kaayo ang koneksiyon sa kanta sa iyang kinabuhi .

Sa paglusad sa maong awit , gibutyag ni Maymay nga  sulod sa duha ka tuig, gipili niyang ipabilin nga pribado ang kasakit nga iyang giagian.

“Itong ‘Masunog Man’ ay nagrereflect siya sa kung paano ako magmahal. Two years ago, hindi po ako nag-share kung ano yung pinagdaanan ko. Na-diagnose ang nanay ko ng malubhang sakit at pinili ko na hindi ko siya ibahagi sa publiko,” suma pa sa singer -actress.

Suma pa ni Maymay, dili malikayan ang kasakit, apan pinaagi sa kusog nga iyang nadawat gikan sa Ginoo, gipili niyang magpakalig-on .

Gipahinungod  ni Maymay ang “Masunog Man” ngadto sa tanang tawo nga nagsagobang og mga pagsulay .

“Gusto ko ipamahagi itong kanta dun sa mga lumalaban nang tahimik na sana po hindi nyo pagsisihan lahat ng sakripisyo na binigay nyo dahil nagmamahal lang naman kayo, nagmamahal lang naman tayo ng walang hinihiling na kapalit,” saysay pa ni Maymay. 

Ang “Masunog Man” mao ang labing bag-o nga music offering ni Maymay nga gilusad ubos  sa StarPop label sa ABS-CBN. Kini nadugang sa lista sa iyang mga sikat nga awit nga  sama sa “Amakabogera,” “Paradise,” “Tsada Mahigugma,” ug uban pa. Ang “Masunog Man” kay madungog  na karon sa nagkalain-laing music streaming platforms.