Sofia sa Project Z , nakadaog sa The Voice Kids
CEBU, Philippines — Napili isip grand winner sa The Voice Kids sa niaging adlaw si Sofia Mallares nga pambato sa Project Z ubos sa mentorship ni Coach Zack Tabudlo.
Human sa iyang hugyaw nga performance sa awit nga “The Prayer,” gipangutana siya sa host nga si Dingdong Dantes kung unsa ang iyang giampo. Matod ni Sofia, usa ka batan-ong singer gikan sa Pasig, nag-ampo siya nga mahimong grand champion ug nahatagan gyud kini og katumanan .
Gipadayag usab ni Coach Zack ang iyang dakong garbo kang Sofia. Matod niya, nag-ampo sila daan kaaniadto ug dawaton kung unsa ang mahimo nila nga kapalaran.
Nakatigi niya sa final round sila Yana Goopio sa Team Bilib, Marian Ansay sa Julesquad, ug Giani Sarita sa BenKada.
Isip grand winner, nakadawat si Sofia og cash prize nga Php1,000,000 ug recording ug management contract gikan sa UMG Philippines, Inc.
- Latest




















