Rayna ang Colombia; 4th runner-up ang Pilipinas
CEBU, Philippines — Si Catalina Duque sa Colombia maoy gikoronahan isip Miss International 2025 nga gipahigayon didto sa Yoyogi National Gymnasium, Shibuya, Tokyo, Japan niadtong Huwebes sa gabii .
Samtang ang pambato sa Pilipinas nga si Myrna Esguerra kay nakasulod sa Top 5 ug nalandig kini isip 4th runner -up.
Ang representante sa Zimbabwe nga si Yollanda Chimbarami maoy 1st runner-up , ug ang pambato sa Bolivia nga si Paola Guzmán Sanchez maoy 2nd runner-up.
Napili pud nga 3rd runner -up si Melliza Xaviera Yulian nga gikan sa Indonesia .
Gitudlo nga continental queens sila Sophie Wallace sa United Kingdom isip Miss International Europe; Yollanda Chimbarami sa Zimbabwe isip Miss International Africa; Farrah Grant sa Turks ug Caicos Islands isip Miss International America ug si Katrina Wan sa Macau isip Miss International Asia Pacific.
Kahinumdoman nga ubay-ubay na ka mga Pinay ang nakalangkat kaniadto og titulo nga Miss International ug kini gilangkoban nila Gemma Cruz-Araneta (1964), Aurora Pijuan (1970), Melanie Marquez (1979), Precious Lara Quigaman (2005), Bea Rose Santiago (2013), ug Kylie Verzosa (2016).
- Latest




















