‘Di natuloy sa hospital...Kris laging masakit ang katawan, may migraine!

Hindi pa rin pala natutuloy hanggang sa kasalukuyan ang admission ni Kris Aquino sa UCLA Hospital.

Nasa bahay lang daw ito sa United States ayon kay Batangas Vice Governor Mark Leviste na umalis kagabi papunta sa Amerika para bisitahin ulit ang girlfriend.

“Just at home... still experiencing constant body aches and migraine,” aniya nang kumustahin ko ang kalagayan ni Kris dahil matagal-tagal na rin itong walang update sa kanyang social media pages.

Last January ang last post ni Kris at interview niya kay kuya Boy Abunda.

Si VG Mark din ang umaalalay kay Joshua na nakabalik na sa Pilipinas.

ACTRESS/SINGER, ‘DI NABENTAHAN NG TICKET ANG MILYONES NA FOLLOWERS

Kahit kung ilang milyon pa ang followers ng isang celebrity wala talagang assurance na kahit 50 % nito ay panonoorin siya sa concert.

Ganito raw ang nangyari sa isang actress / singer na nagbalak magkaroon ng solo concert.

Handa na raw sana ang lahat, pero parang pagong daw ang galaw ng bentahan ng tickets.

As in mabibilang mo lang daw sa diliri ang nabebentang ticket sa isang araw.

Kaya ang sabi, hindi na raw ito itutuloy.

Sa true lang, choosy na ngayon pati audience ha kahit libre ang ticket sa concert.

Hindi na sila basta-basta tumatanggap kahit sabihin mo pang hindi sila magbabayad. ‘Yun pa kayang nagbabayad.

Malaking bagay talaga ang nagawa ng social media sa mga celebrity. Nawala na ang mystery ng kanilang mga buhay kaya hanggang dun na lang sila.

Nawalan ng excitement kahit gumawa pa sila ng pelikula, lalo na kung ‘di naman sila singer tapos magko-concert.

Kaya kumpirmado, hindi nako-convert na paying audience ang number of followers ng maraming celebrities.