Diego kever sa kasal

CEBU, Philippines — Alang kang Diego Loyzaga , dili siya motoo sa konsepto sa pagpakasal sanglit  naa ra gyud sa papel ang gipatigbabaw niini .

"It's a piece of paper for me,” saysay pa ni Diego sa interview niini sa vlog ni Toni Gonzaga. Suma pa niya nga dili gyud matag-an ang padulngan sa maong butang.

“Kunwari lang you and me, we agree on everything. There's not a spot or piece of line or paragraph that we don't agree on, absolutely everything — a 100% crystal clear. Why must we now get it written down on a piece of paper and then get someone else to bestow onto us that we are now a married couple?" ," niya pa...

Andam hinoun ang aktor sa posibilidad   nga mausab ang panglataw niya sa maong butang sa saktong panahon.

“Until now minsan malabo, minsan we're just doing it for the kids… So okay why do you have to sign a piece of paper? What do you get in the end?" niya pa .

Gani dunay anak si Diego sa iyang non-showbiz girlfriend apan wala gyud masulod sa iyang huna-huna ang pagpakasal.

Jennylyn dunay proyekto sa ABS-CBN

Adunay umaabot nga proyekto si  Jennylyn Mercado sa record label sa ABS-CBN nga  Star Music.

Nakigtigom na si Jennylyn sa niaging adlaw sa mga kadagkoan sa Star Music nga sila si Roxy Liquigan ug Jonathan Manalo.

"First meeting pa lang to discuss the songs super kinikilig na ako " exciting to mga bessie! Talagang pinaghahandaan namin ng team ng Star Music para sa inyo " #comebackalbum,"  social media post ni Jennylyn.

Elijah ug Miles nagbuwag

Gikumpirmar ni Elijah Canlas nga nagbuwag  sila ni Miles Ocampo ug nahitabo ang ilang separasyon pipila ka buwan na ang nilabay.

Giklaro hinoun sa aktor nga wala sila'y kalagot ni Miles sa usag-usa. Bisan naputol na ang ilang relasyon, padayon gihapon ang pagsuporta niya sa karera ni Miles.

"I'm always going to have love for her. I'm always going to support her in whatever she does. I'll always be her number 1 fan," saysay pa ni Elijah sa interview niini sa ABS-CBN News.

Kahinumdoman  niangkon ang duha sa ilang relasyon niadtong  Mayo 2022 .

“Marita" gisumsoman

Nikisaw sa social media ang  latest horror film sa Viva Films nga  “Marita" mga kasamtangang gisalida karon sa mga sinehan.

Gibitoonan kini nila  ni Louise delos Reyes, Rhen Escaño, Yumi Garcia, Ashtine Olviga, Taneo Sebastian, ug uban pa.

Ang "Marita " kay ubos  sa direksyon ni Roni Benaid nga mao usab ang naghupot kaniadto sa laing horror movie nga  “Mary Cherry Chua” .

Poster Reveal

Gitambongan mismo sa  power couple nga sila si Marian Rivera ug Dingdong Dantes ang poster reveal sa ilang  pelikula nga ubos sa  'Rewind'. Mao kini ang entry sa  Star Cinema sa  Metropolitan Manila Film Festival 2023.

Busy sa negosyo

Usa sa gikabisihan karon ni Aya Fernandez mao ang iyang  eco-friendly business. Nag-ugat kini sa iyang livelihood project kaniadto ug nilambo gyud kini. Usa kini ka   eco-friendly nga uling nga nagikan sa  ginamit nga mga bagol sa lubi.

Konsyerto sa NZ

Gidumogan sa bagang dout sa katawhan  ang concert ni Moira  sa Auckland , New Zealand sa niaging gabii.   Mao kini ang labing unang higayon nga nag-concert si Moira sa maong dapit.

Inspirasyon ni Fritz?

Usa sa gi-highlight karon sa Sugbuanon nga vlogger nga si Fritzgerald Alcaraz mao ang iyang male partner  sa usa sa iyang mga content .

Mopahiyom lang si Fritz kun pangutan-on kalabot sa estado nila sa maong lalaki.

Pipila sa ilang buhaton ang pag-feature sa mga hugyaw nga lugar.Nailhan usab si Fritz isip aktibo sa pag-feature og mga kandidata sa mga prestihiyosong indigay. Ang iyang  social media account kay Laagan sa Sugbo.